هند .. ماتت قصيدة !!

هند .. ماتت قصيدة !!



مهرة إحساسي سقى الله يوم كان الهمّ غايب
.........يوم كنّا في عيون الناس جيـــــــــــــــران وقرايب
يوم كان الحلـــــــم علــــــــــم وكانت الدنيا بخير
.........والبراءه تبتسم للغيــم وأنســــــــــــــــام الهبايب



يومهـــــــــــا كنتي معي طفله وأنا مثلك طفل
.........نشتري (حلوى) ونجلس مع بعضنــــــــا نحتفل
كنّ مافي الكون كلّـــــــــــــــــه غيرنا طفلٍ غرير
.........والفرح ضاوي علينا والحزن نجمـــــــــــــــه أفل




ابني بيوت الرمـــــــــــل وأنتي شقاوه تهدمين
.........وأبتعد عنّك زعـــــــــــــــل وتجين يمّي تركضين
وكل ماطحت وعثرت بخطوتي فـــــــوق الهجير
.........أسمعـــــــــك وأنتي وراي بكل صوتك تضحكين



لين ماصرنا كبار وزادت أوصافـــــــــــــــــــك حلا
.........وصار لك فيني غـــــــــــــلا مجنون مابعده غلا
افتقدتــــــه وجهك اللي من ورى الشيلــــه ستير
.........وفز قلبي من هجـــــــــــوده مع طواريك وسلا



صرت من كثـــــــــر اشتياقي انتظر جيّت هلك
..........وأمفتاحالباب وأكون أوّل ولــــــــــــــــد يستقبلك
وكل ما جت عيني بعينـــــــــك تغضّين النظير
..........ابتهجت وصــــــــــرت كنّي بين خلق الله ملك



كانت اعيونك بحور وشاعرك فيهــــــــــــا غرق
.........كانت اشفاهك جحيم وعاشقك فيـــه احترق
والجدايل طيرٍ اشقر حر وأنفاســــــــــــك عبير
.........والخدود أنعم من الـــــــــورده وأرقّ من الورق



لكن ألأقدار عيّت تجمع الخـــــــــــــــلّ بخليله
.........والقــــــدر مكتوب الى منّه قضى مافيه حيله
ذابت أحضان الأميره وأنكســــــــر حضّ الأمير
.........والزمن حطّم كياني وأشعل بصــــدري غليله



الله أقوى يوم كانت في ساريرهــــــــا مريضه
.........يوم كنت ابكي لها وأدعي بسجدات الفريضه
جيتها غفله وهي تتألّم بدمـــــــــــــــعٍ غزير
.........ويوم شافتني تهادت بأبتسامتهــــا العريضه



عقبها يحرم على عيني الكرى ماعاد باتت
.........كانت الصدمه قويّه يوم قالو ( هنـــد ) ماتت
أنتحر طهـــــــــر الليالي وأنمفتاحجرح الضمير
.........وفرصة العمر الوحيــــــده روّحت عنّي وفاتت



صرت اصيح بلا شعور أقول وينــــك يالحبيبه
.........ليه ياهند ارتحلتي وإنتـــي لجرحــي طبيبه
أدري إنّ الموت حقّ وكلنــــــا نفس المصير
.........بس فرقاهـــــــا مصيبه مابعدها من مصيبه



آآآآه ياذكرى حمول النعش من فــوق الرقاب
.........آآآآه ياذكرى حضور الدفن وإحســاس الغياب
آآآآه من لحظة وداع الحب والفصــــــل الأخير
.........يوم دمعي لامس أكفان الجسد قبل التراب