قصيده عن الصديق

قصيده عن الصديق


الصداقة كنز معناها جميل = من ملكها اشهد انه ملك

تعرف اوصافك من اوصاف الخليل = والصديق احيان اقرب من هلك

من كلام المصطفى سقنا الدليل = الجليس اثنين واحدهم هلِك

حامل المسك طبّن للعليل = صاحب ٍ للخير بدروبه سلك

لو تحس بضيق للضيقة يزيل = لو تغيب شوي عن الحال سألك

والجليس السوء النذل الرذيل = نافخ الكير من الكير شعلك

مايعين بخير خيره مستحيل = ماوراه احسان يجهل بجهلك

لو تمر بسوء دور لك بديل = خاينن ماشال هم ٍ لزعلك

الفضل لله والشكر الجزيل = يافؤادي خير من المولى شملك

البداية عين وآخرها سبيل = والوسط (ابرة) وفكر بمهلك

.................................................. .................................................. .......


جرح الصداقه ما تداويه الايام

لمن جرحني صاحبي وش بقالي

لصار اعز الناس بزيدك الام

من ترتجي يا قلب تشكيه حالي

عزي لقلب دايم الدوم منضام

ما شاف فهالدنيا رفيق موالي

ياحظ من مثلك هنا العمر له دام

يا حظ منهو قاسي ما يبالي

ابكي على جرحي وداويه بوهام

والقلب لزادت همومه شكالي

دمعه ورا دمعه والاحزان قدام

والحب كلمه عشتها في خيالي