••تتحقق الأحزان وتخيب الأحلام••

هونتها... لكنها عيت تهون
لاقلت راح الهم ألاقيه قدام

فيني ألم مامر بقلب مطعون
فيني حزن مامر بعيون أيتام

عاقل ولكن طحت في وقت مجنون
لاخوان في جنبي ولاحولي أعمام

أصحاب أنا والهم أحباب ونمون
ماهي صداقة يوم هي عدت أيام

والهم سجَّاني وأنا فيه مسجون
إن قام حظي طاح وإن طاح ماقام

تقول مافيه إنسان غيري بهالكون
حطمت في همي أنا كل الأرقام

والحزن في عيني له سنين مدفون
تتحقق الأحزان وتخيب الأحلام