رفعت بناظري دمعه آداريها ولا تدرون

رفعت بناظري دمعه آداريها ولا تدرون


مشيت وتاهت اخطاي ْومسيت بعالم مجنون
تشرقني مسافاتك ..تبعدني ..وتدنيني..

سرحت ,,بْخيبة النظره..عفيت بخافق ٍ مسجون
زفرت ولا لقيت الا طواريق ٍ تعنـيني..

زهمت بفكر خلاني انا الطاعن ونا المطعون
تعذبني ولا تدري يدينك وش جنت فيني..

صحيح لْ حالتي يرثى خبرتك يالوفا ميمون
خبرتك يالوفا صادق خبرت انك تواسيني

بعد ما كنت لي الوافي لقيتك بالصداقه تْخون
لقيت بْديدنك مبدا على الجلده يعاديني

مطيت ل ْ جادة الذكرى رحلت وكني المفتون
تخايلني عناوينك وتذرف بالخلاء عيني..

لفتني ذيب بالقمه ..يجر بْـ عويه لْفرعون
لفتني با لخلا عويه.. وهو كنه يهدّيني

ضحكت بْضحكتي عبره ضربت بْخافي المرسون
الاقي بالخلا الخالي سباع البر تنبيني

اخير مْن الوفا صحبه اخير مْن الرفاق طْعون
نبا ذيبٍ ولا وجهة خبيث ٍ من معاديني

حسبت بفطرتي حسبه ..حسبتك بالرفا ممنون
تحاول يا مغافلني .. تِطَــعــني... بسكــيني..

سريت ومـدلج الونه كهيثم باللياء مفتون...
نزلت بْصاوي ٍ كنه احاسيس ٍ تناجيني...

رفعت بناظري دمعه اداريها ولا تدرون
ادآرى ما درا باللي تكفكف وسطه اسنيني

كِفيِت بْدلة ٍ منها شربنا و الفلك مشحون
نجوم الليل زفت لي بقايا من غناويني

رفعت لـ ربي بْدعوه بقلبِ صافي ٍ مرهون
عـلى الله يا زمن تبري جروح ٍ شلّت ايديني










[ندعوك للتسجيل في المنتدى أو التعريف بنفسك لمعاينة هذا الرابط] border="0" alt=""/>