...(( حـــــ الإدراك ـــــــد )) ...

(( حـــــ الإدراك ـــــــد )) ... .
الأخوة والأخوات اعضاء وزوار هذا الصرح الشامخ

السلام عليكم ورحمة الله وبركاته

واسعد الله جميع اوقاتكم بكل خير

متواضعة اصافح بها اذواقكم الفذة ... أتمنى قبولها ...



دك الحشى من ماضي الوقت دكـاكوباب الرجا عن باقي العمر مصكوك
ملكت شيٍ فـاق عـن حـد الإدراكوتفويض عن باقي الطريقين وصكوك
والهم لـه بيـن المعاليـق شبـاكوقفل المحاني من عنى الوقت مفلوك
ياقلب لو طيبك مـع العالـم اغـواكالطيب ماينفع مـع النـاس ضـروك
الطيب في عيـون المخاليـق خـلاكعرضه لضحكة كل هافي وصعلـوك
وياقلب لو حلمك عن الهافي الهـاكولو فيه ناسٍ عن هل العرف حـدوك
حـذرا تغيّـر باقـي العمـر مبـداكيااابوك وشلك فـي الردييـن يابـوك
الطيب لو ترجيـه هالوقـت ماجـاكوستر الشكاله تالي الأيـام مهتـوك
والحنظله ماهيب تجنى مـن الـراكوالراك ماينبت من عروقـه الشـوك
لولاك ماعاشوا مع النـاس لـولاكوياليتهم عن ساقط الهـرج علّـوك
كم واحدٍ في ماضي العمـر خـاواكويوم ارتوو من نبعك العذب عافـوك
وكم واحـدٍ فيمـا مضالـك تهقـواكويوم اللتفت لينه مع الزمل متـروك
بعض البشر في هالزمـن داك ودواكوالبعض لاجت حزة الضيـق خلـوك
ويـاراس لاتتبـع سفيـهٍ تـعـداكولا تلتفـت لـو بالخثاريـق بـذّوك
خابرك ياراسٍ على الطيـب مربـاكتشوم عـن درب المناقيـد وتصـوك
قد جاك ياراسي من الوقت ما اكفـاكومن عشرة اللي بالمشاريـه بـرّوك
انهاك عن طبعـك ولا كنـي انهـاكلين انهم عـن مقطـع الحـق ردّوك
واليوم مابه شـي يـاراس يخفـاكولا يلحقك في اللي مضى ظن وشكوك
اتبع طريق اللي عن العيـب عـدّاكوارض الثنين اللي على العز ربـوك
وياللي خفوقي صار في كف يمنـاكومشاعري عن كل هالخلـق بـدوك
الخافـق اللـي يـوم ناديـت لبـاكواصبحت مع دم الشرايين مشـروك
لاتجرحه دامـه علـى الغيـر بـدّاكالقلب لـك ياسيـد القلـب مملـوك
وانا ادري ان به ناس غيري تمنـاكوبه ناس في قربي وحبـي تحـدوك
والله ما يسوون في الأرض ماطـاكلو كان من كثـر الأكاذيـب غثّـوك
تسابقوا كلن فـزع يطلـب رضـاكوفي ظنهم عن قلـب غاليـك لـدوك
ياجعل من خـان المواثيـق يفـداكوناسٍ بأسامي ماتليق ابـك سمـوك
ناسٍ اذا جاء ذكرك العطـر تشنـاكياليتهـم بعيـون مغليـك شـافـوك
كم جابـك الهاجـس لعينـي ووداكوافز لاجت سالفـه فيـك واطـروك
وكم مرةٍ لاسـج فـي الليـل نـاداكلادك به من جايـر الشـوق داكـوك
وصيتي لـك كـل ماحـان ممسـاكوالنوم طيفه بين الأهـداب مسفـوك
عيوني اللي طـول عمـري ترجـاكسلم عليهم كان في الحلم مـررروك





وسلامتكم جميعاً









[ندعوك للتسجيل في المنتدى أو التعريف بنفسك لمعاينة هذا الرابط] border="0" alt=""/>