حنين لمن يرحل قبل الاوان

يتجسد فيها كل معاني الحب والوفاء
صورتها هذه الكلمات الحزبنة اتمنى
يخفف وقعها على ماتعانين


قلت الوداع وجاوب دمع العيـن ...
تجـرح بساتيـن الخـدود النديـه
وغصت وشفت بعينهـا الحزن حزنيـن ...
وصاحت على الفرقا انـا مـو قويـه
وجاوبتها ارجـوك ارجوك تكفيـن ...
والله دمعك يشعـل النار فـيّـه
وقالـت تعاهدني عـهـد المحبـيـن بالله
...ما تخـون اللـي يخـون بخويّـه
قلـت ابشري واللـي خلقـك لاتظنيـن ...
حرام ماغيرك عشقـت آدمـيـه
وقصّت شعرها قلت انـا وش تسويـن ... قالـت
اعطيك مـن غرتي هديـه
ونادتنـي الغربه علـى الهـم والبيـن ... احسّـب
الأيـام بالروحـه والجيّـه
وفي كـل ليله ترتسـم بيـن رمشيـن ... خيالها
بيـن الـرمـوش الشقـيـه
غربة سنه تعتبر غربـة سنيـن ... متى علـى الله
يلتقـي الحـي حيـه
خلاص هانت مابقـى غيـر يومـيـن ... خـلاص انتهت
غربـةٍ الجرهديـه
ورجعت اشواقي في خفوقي براكيـن ... واصبحت كلـي لها
جاذبـيـه
وسألت ما ردّوا وانا اصيح هي وين ... وكلٍ نثر مـن داخـل
العيـن مَيّـه
وفـي معمعـة حزني تلقيـت رمحيـن ... قالـوا توفـت
غافلتـهـا المنـيـه
وفـي غرغرتها ماذكرت غير حرفيـن ... تشهـدت باسـمـك
شـفـاه البنـيـه
وتزاحمـت فـي داخلي ألـف سكـيـن ... والحزن يطويـنـي
ثمانيـن طـيّـه
صدمه وجابتنـي على الارض نصـيـن ... وشلـون راحـت دون
ذنـب خطيـه
بالله دلـونـي على القبر هالحـيـن ... مـاعـاد فيـنـي للصبر
مقـدوريـه
ووقفـت اناظر قبرها بيـن نصبـيـن ... جلست اضـم اغلـى
النصايـب عليّـه
واصيح وش بك يالغالية مـا ترديـن ... اشتقـت همس الشفاه
النرجسـيـه
وينك جيت من السفر مـا تهليـن ... ماهي الك عـاده ولا انتـي
رديـه
وحاولت في لحظة جنون اجـرح الديـن ... وازيـح تـربـة قبرهـا فـي
ايـديّـه
وبالغصب شالوني حشـا تقول مسكيـن ... واصـرخ بهم والله والله
حـيّـه
وقفت وتاهـت بـي كل العنـاويـن ... والحـزن يلعب داخلـي
سامـريـه
ورجعت لـدروب الشقـا قبـل عاميـن ... مدري مـن اللـي صـار
فينـا الضحيـه
وسلامتك
الاخت الغالية زهرة النرجس انه اصعب انواع
الرحيل والوداع
دمت بالف خير