مجنون يلقي قصيده يوم زفاف عشيقته قدام العريس

مجنون يلقي قصيده يوم زفاف عشيقته قدام العريس



أبد ما جيت أبـارك لك ولكن جيت باوصيك

على الله ناوي(ن) تدخـل بها اللـيله ... معذبتي


ترى لولا الظروف اللي عطّـتك وحدّت محاكيك

قسـم بالله مـا تدخل عليــها لو على رقبتي


ولكن النصيب أقوى ولاادري ويش اسوي فيك

نعــم...صـارت معزبتك,, ولا صـارت معزبتي


كذا شـاءت بنا الأقــدار تحرمني لجل تعطيك

كذا لازم عشـان تفوز انت,,أنا اخـسر بتجربتي


تراها غاليـة جدا..وتكفى.. والله يخلـيـك

تدللـها..تدلعـها ..تنسّـيها مصاحبتي


أنا من كثر مااغليها أحس اني بديت أغلـيك

ولاتسـأل بأيـة حـق والا وش مناســبتي


لأنك لو بتسألـني بتسمـع شي مـا يرضيك

لذا يا خـوي لا تسأل ولا تسمـع لأجوبتي


أبيك تحطها في داخل عـيونك وبين ايـديـك

وهي دلوعة إعتـــادت على كثرة مداعبتي

فداعبـها شوي شوي حـتى تشتهي طاريك

وشاغبها إليـن تقول: بـطّـل من مشاغبتي


واذا هي مالها خلقك,,ولا تضحك ولا تسليك

تحمّلـها وإسألـها :ياعمـري ليـه عصّبـتي


وبالك أسمع انك يوم تضربهــا وهي تشكيك

ما يحتـاج أوري لك بفن الضـرب موهبتي


صحيح انك بتملكـها ومعك العقـد بالتمليـك

وانا عـارف حدود الله ومن حـقـك معاقبتي


ولكن قل لها : المجنون وصّـــاني وهو يعنيك

يقـول انه بيـنـتظـرك لوشـيّـب وشـيّــبتي


وانا مجنونها اللي مـا نساهـــا وانت مايمديك

تغـطي ذكريــاتي.. في هواهــا و ربع تجربتي


أحس اني تماديت بكلامي,, والغضب حـاديـك

ولو انك في مـكاني ما تفكر في محـــاسبتي


كفاك اني تركت الليــله أشغالي عشان أجيك

دخلت القاعة برجلي ولا أدري ويش عاقبتي


وانا ما جيت أخرّب عرسك الليله ولا أذّيـك

أنا جيتك عشـان أخاطـبك واسمع مخـاطبتي


توصّـى ... وانتبه.. واحرص عليها والله يهنيك

ترى كل الكلام اللي طلع من ضيقي وكبــتـي


ولكن ما قدرت اني أقوله وانت مايخفــيك

أخـاف اني اذا قلته تقوم وتقطـع رقبـتي


تدرون اكثر شي قاهرني

نفسي اعرف

وش صار

له بعد ماقال القصيده
اكيد .... راسه هههههه